(दृश्यहरु गीत सुहाउँदो सामान्य दृश्य मिलाए काफी हुन्छ आपसमा दुई साथीवीचको सांगितिक सम्बाद यसप्रकार छन्)
किन निन्याउरो देख्छु साथी
भन्छन् बेलैमा गर निको भैहाल्छौ नि ।
नगर सुर्ता र चिन्ता ज्यानभन्दा ठूलो अरु केही छैन
ज्यानभन्दा ठूलो अरु केही छैन साथी
होइन साथी छैन भएको कुनै बिसन्चो
स्वस्थ छु म, स्वस्थ नै छ मेरो तन
तर पनि अचेल सुकिलो छैन मेरो मन
जित्नेले हाँक्छन् यो संसार
गुनासो छैन मेरो केही पनि ।
मन मेरो अमिलो भएको गाँठी कुरो
भन्नलाई पनि मन खान्छ कुटुक्क!
सुन्नेलाई पनि लाग्छ सारै नै नमीठो
यही दुविधाको रोग हो साथी मेरो ।
नभनुँ मनभित्र गुँडुल्की परिआउँछ ।
भनुम् त पोल खोल्यो भन्लान भन्ने डर छ
गरिब छौं साथी ! धन बाँड्न सकिन्न
मन बाँड्न सक्छौं मन बाँडौ
दुःख छ हामीसित, त्यही दुःख बाँडौं
नबस साथी चिंता र दुखलाई गुँडुल्की पारी
फुकाई देउ आज ति चिन्ताका पन्तुरा सबै
ठीकै छ साथी म भन्छु सरसर्ती
गोप्य कुरा खोल्यो भनि नरिसाउनु है साथी
ठगिएका छौं हामी लुटिएका छौ अति
ती राजसी ठाँठका ठग र ठालुबाट
नपुग्ने सपना बाँडी हिंड्छ
उही पछारिन्छ प्रतिष्पर्धामा
नैतिकता छैन एक थोपो त्योसंग
उल्टै मपाईं पल्टि जोरी खोज्छ हामीसंग
हेरन साथी हेर ए मेरो कामरेड!
भन्छ खुस्काई दिन्छु तिमेरुको च्यापु!
अनैतिकताको पाराकष्टा यहीं देखियो
हाली मुहाली रजगज उसैको भेटियो
यस्तो उदाहरण कहिं छ संसारमा?
किन चाहियो यो बेबकुफ असफल पात्र
यस्ताको हुकुम र आदेश कस्ले पालना गर्छ?
यही हो साथी मन मेरो अमिलो भएको
यस्तालाई घोक्रेठ्याक लगाउने के होला औषधी मूलो ?
कामरेड बताईदेउ मलाई लौन एकरत्ति नमानी झर्को
समश्या यो साझा हो तपाईं हामी सबैको
जे सुनायौ तिमीले यो प्रबृत्ति हो क्यान्सर समाजको
एक्ला एक्लै लडेर निस्कन्न समाधान साथी !
भ्रष्ट तत्वका विरुद्ध लडौं बलिष्ठ मोर्चा नै कसी।
सबैलाई बोलाउँ,सबैलाई गुहारौं
(दृश्यमा बोलाए बमोजिमको क्रमश समुहको प्रबेश)
हामीलाई विजयको आशिर्वाद दिनुस
दुष्टात्मा र भ्रष्टाचारीलाई
अनिमात्र सान्तिको सास फेर्न पाउँछौं
आउनुस आदरणीय समाजसेवी सबै ! सबै !
आउनुस आउनुस सबै न्यायप्रेमी जनता
बाँधिउँ एकजुटतामा दुष्टमाथि विजय हासिल गर्न
अनि मात्र सान्तिको सास फेर्न सक्छौं
अनि मात्रै स्वतन्त्रताको सास फेर्न सक्छौं
खुशियालीको गीत गाउँन सक्छौं !
अनि मात्र समाजको मुहार फेर्न सक्छौं
दुष्टलाई तह लगाउन ढिला नगरौं…
गल्र्याम गुर्लुम ढालौं ।।
ढालौं, ढालौं गल्र्याम् गुर्लुम् ढालौं …
(सबै मन्चमा एकीकृत भई बिजय हाँसिलको लागि लामबद्ध भई गति फटाहलाई तह लाउन गाउँदै बाटो लाग्छन्)
