एआइजीलाई प्रदेश प्रहरी प्रमुख बनाउनु पर्छ : जनार्दन शर्मा

प्रकाशित मिति : सोम, असार २३, २०७६

काठमाडौं । सत्तारुढ दल नेपाल कम्युनिष्ट पार्टी ९नेकपा० का नेता जनार्दन शर्माले अतिरिक्त प्रहरी महानिरीक्षक ९एआइजी० लाई प्रदेश प्रहरी प्रमुख बनाउनु पर्ने प्रस्ताव अघि सारेका छन्।

पूर्वगृहमन्त्री समेत रहेका नेता शर्माले प्रदेश प्रहरी प्रमुखलाई पनि प्रहरी महानिरीक्षक बन्न पाउने व्यवस्था गर्न र त्यसमा नियुक्ति गर्दा प्रहरी अतिरिक्त महानिरीक्षकनै उपयुक्त हुने तर्क पनि गरे।

संघीय संसदको राज्य व्यवस्था तथा सुशासन समितिको सोमबारको बैठकमा ‘प्रहरी कर्मचारीलाई नेपाल प्रहरी तथा प्रदेश प्रहरीमा समायोजन गर्ने सम्बन्धमा व्यवस्था गर्न बनेको विधेयक’माथिको छलफलमा भाग लिँदै उनले प्रदेशका अन्य प्रहरी दर्जाको नियुक्ति प्रदेश प्रहरीले गर्न पाउनु पर्ने तर्क पनि गरे। संघीयतामा मुलुक गएकाले प्रमुख बाहेकका प्रदेश प्रहरीको अन्य पदमा नियुक्त गर्ने अधिकार प्रदेश प्रहरीलाई दिन उपयुक्त हुने उनको तर्क छ।

कांग्रेस नेता दीलेन्द्रप्रसाद बडुले भने प्रदेश प्रहरी प्रमुखमा प्रहरी नायव महानिरीक्षक राख्ने सरकारको प्रस्तावमा सहमति जनाएका थिए। उनले प्रदेश प्रमुख बाहेकका अन्य पदहरूमा भने प्रदेश प्रहरीले नियुक्ति गर्ने कानुनी व्यवस्था गर्नु पर्ने माग पनि सरकारसँग गरे। समितिमा पेस गरिएको विधेयकमा भने प्रहरी नायव महानिरीक्षकलाई प्रदेश प्रहरी प्रमुख बनाउनु पर्ने प्रावधान राखिएको छ।