यसरी ठोकिएको थियो प्लेन हेलिकप्टरसँग (सिसिटिभी फुटेज)

कम्युनिष्ट अनलाईन । प्रकाशित मिति : सोमवार, बैशाख २, २०७६

तस्वीरः रातोपाटीबाट

काठमाडौँ/ सोलुखुम्बुको लुक्ला एयरपोर्टमा हवाईजहाज र हेलिकोप्टर ठोक्किँदा मृत्यु हुनेहरुको संख्या ३ पुगेको छ । नेपाल प्रहरीका असई रुद्रबहादुर श्रेष्ठको मृत्यु भएसँगै मृतकको संख्या ३ पुगेको हो ।

श्रेष्ठको काठमाडौं ल्याउने क्रममा मृत्यु भएको सोलुखुम्बुका प्रमुख जिल्ला अधिकारी नरेन्द्र कुमार रानाले पुष्टि गरे । यसअघि समिट एयरका कोपाइलट सुदीप ढुंगाना र पर्यटक प्रहरी असई रामबहादुर खड्काको मृत्यु भएको थियो ।

आइतबार बिहान ९ बजे ७ मिनेटमा लुक्लाबाट उड्ने क्रममा समिट एयरको जहाज रनवेबाट चिप्लिएर मनाङ र श्री एयरको हेलिकप्टमा ठोक्किन पुगेको थियो ।

सो विमान दुर्घटना हुँदा लुक्ला एयरपोर्टमा जडान गरिएको सीसी क्यामेराले खिचेको लाइभ फुटेज समेत सार्वजनिक भएको छ । लाइभ फुटेज हेर्दा सुरुमा मनांग एयरको हेलिकोप्टर ल्यान्ड गरेको देखिन्छ । त्यसलगत्तै एउटा विमानले उडान भरेको देखिन्छ । सो विमान उडेलगत्तै समिट एयरले उडान भर्न लाग्दा विमान चिप्लिएको देखिन्छ । रातोपाटीको समाचार

हेर्नुस भिडियोः